Ech sinn d’Mia Weydert d’Grënnerin vun Dream Wedding by Mia. Ech hu mir als Aufgab gemaach, zesumme mat “Dir” Är Hochzäit no Äre Wënsch a virun allem no Äre Prioritéiten ze plangen. Du solls bei mir d’Gefill verspiere wei wann’s du an der Vakanz wiers. Zu kengem Moment solls Du och nëmmen drun denken, dass dësen Dag sou schnell wei méiglech soll eriwwer sinn. Dir an är Gäscht sollen den Dag a vollen Zich genéisse kennen. Koordinatioun vum Dag soll bei mir léien a soss bei kengem.
Dat ganzt maachen ech mat vill Gedold a Rou.
Eng gelongen Hochzäit ass fir mech:
Wichtegkeet a menge Leeschtunge leit doranner, dass dir Iech als Koppel zu kengem Moment enner Drock stidd oder Drock verspiert. Ech hu mech dorobber spezialiséiert, dass dir Iech, wei ee Gaascht op Ärer eegener Hochzäit fillt. Zeréck leenen a genéissen ass dowéinst mäi Slogan.
“Ech si keng Fee mat engem Zauberstaf, mee eng Planerin mat Diskretioun a vill Gedold a Rou”
Nodeems dir mir Är Ufro geschéckt hutt, mellen ech mech bei Iech, iwwer Whats App, domadder mir een Datum an eng Auerzäit kennen ausmaache fir kuerz iwwer Telefon puer Froen ze klären.
Am Berodungsgespréich kucke mir am Detail zesumme, wéi a woubäi ech Iech hëllefe kann. Dir kritt eng kloer Virstellung wei ech schaffen a wei eng Zesummenaarbecht mat mir kann ausgesinn
Wann Dir enger Zesummenaarbecht mat mir zoustëmmt, kennt der Iech zeréck leenen a genéissen. Ech wäert dofir Suergen, dass an Ärem Dagesplang kee Chaos entsteet an dir alles a vollen Zich genéisse kennt.
Oft kréien ech vu menge Brautkoppele gesot, dass se Ufanks net direkt un eng Weddingplanerin geduecht hunn. Se gemengt hunn déi ganz Hochzäit vu A-Z eleng ze organiséieren wier keen Problem. Oft wann se méi déif an der Organisatioun dra sinn, bemierken se, dass ee vill Saache guer net kann am Viraus plangen.
Déi mëschte Koppele wënschen sech, dass hier Léifsten sech den Dag selwer net mussen duerch eng ToDo Lëscht schaffen, an den Dag genéisse kennen. Dëst ass duerch meng verschidde Leeschtungen och méiglech.
Zesummenaarbecht beschreiwe Koppelen als entspanend an angeneem. Se soen, dass ech déi richteg Froe stellen, dass och un all Detail geduecht gëtt. Och gefält hinnen d’Kommunikatioun gutt. Meng Koppelen hu Gefill, dass alles méiglech ass, an dass hier Visiounen ëmgesat ginn. Och schätzen sie den Update deen ech hinnen ëmmer ginn, sou dass se ëmmer wësse wat de Moment selwer leeft.
Falls een emol selwer den Iwwerbléck verléiert, brauch een sech keng Suergen ze maache well ech hunn alles am Bléck an ech kann och ganz souverän mat Stress Situatiounen ëmgoen.
Ech sinn d’Mia, een oppene, spontanen a lëschtege Mënsch. De Feedback deen ech vun de Koppele kréien ass, dass ech Rou a Gedold ausstralen, an hinne Sécherheet ze verspiere ginn.
Duerch meng eegen Hochzäit ass meng Leidenschaft, Hochzäiten ze organiséieren, ëmmer méi grouss ginn. Wann dir mat mir eng Hochzäit plangt kennt dir Iech sécher sinn, dass der ëmmer eppes Individuelles an Ärer Hochzäit zeréckfannt. Ech halen näischt vun 08-15 Hochzäiten. Et soll alles no Äre Prioritéiten oflafen. Iwwerfuerderung a Stress soll net als Wuertschatz wärend Ärer Hochzäit fale.
Lëtzebuergesch 
German